Forum


	Mange små skular har ikkje anna nettverk enn med dei store skulane i eigen kommune, og saknar samarbeid med skular dei kan identifisere seg med. I dette forumet kan du finne eit utvida kollegium, med lærarar som har erfaring frå same skuleslag. Forumet er felles for LUFS og for Skoleplassen, og er berekna på dei som har meiningar, kommentarar, spørsmål, idear med mykje meir om nærmiljøskular. Terskelen for å kome med innlegg skal vere låg, og du kan fritt velje emne, men innlegga bør vere interessante for fleire. Kom gjerne med politiske innspel, pedagogikk, om skulenedleggjing, metodiske tips, tips om lenker, kommentarar til ting som er lagde ut på nettsidene, spørsmål om alt som har med skuleslaget å gjera, invitasjon til samarbeid, "kontaktannonser" og mykje mykje meir innanfor ramma. Ver aktiv! Forumet vert så godt som DU vil vere med og gjere det! Vi voner aktiviteten blir så stor at vi må dela opp forumet til fleire sider. Vevansvarleg vil inniblant rydda. Velkomen til Forum! Tilbake til LUFS

Delta i debatten!

[ Tilbake ] [ Skriv innlegg ] [ Lag nytt emne ]

Av

Innlegg

AAA
31.01.10 10:11

Skal tru om det er i ferd med å etablere seg ei haldning om at "ein liten skule er dårlegare enn ein stor, det skjønar alle" utan at fakta vert trekt inn i debatten?
Skal ein klare seg med berre skular over 400 elevar i dette landet, kan det verte mykje bussreiser.....

Kristoffer
10.01.10 20:31

Eg får ikkje mykje tillit til Dagsrevyen etter dette. Dei intervjuar ein professor som ikkje har forska på små skular i det heile, og ikkje professoen på "nabokontoret" Rune Kvalsund som har teke doktorgrad på skuleslaget og også forska på dette seinare. Men då hadde ikkje Dagsrevyen fått det svaret dei truleg var ute etter. Då kan ein få mistanke om at Dagsrevyen også gjer det slik i andre saker. Det er kanskje også difor at Nordahl blir intervjua langt oftare enn Solstad.

Gunnar
09.01.10 21:36

Det er trist å observere at Haug let seg bruke i eit udokumentert åtak på små skular. Haug burde vere ein av dei som veit at det ikkje er fagleg grunnlag for å gå til generelt åtak på små skular i ei slik sak.
Sjølvsagt finst det både små og store skular som ikkje held mål. Skulle ein så bruke same argumentasjon overfor store skular som ikkje held mål - at dei vert haldne kunstig i live?

AAA
09.01.10 12:09

Det vart nettopp sagt på Dagsnytt at det har vorte lagt ned 1000 skular her i landet sidan 1986. Sist veke sa professor i pedagogikk Peder Haug på Dagsrevyen at mange skular vert helde kunstig i live på grunn av foreldre som engasjerer seg for dette. Grunnen til at dette er betenkjeleg, meiner Haug er at mange skular rett og slett er alt for små til å stette dei faglege utfordringane som er i skulen i dag.
Bør ein stimulere til ytterlegare nedlegging, slik at dei attverande skulane får betre kompetanse? Korleis skjer eventuelt dette? Sjølv har eg vore lærar på både små og store skular, og må seie at eg ikkje er spesielt imponert over kompetansemangfaldet på store skular, samanlikna med det eg har opplevd på dei små....